ايه المميز فى انى اشتغل من البيت ؟
وازاى اعمل ربح كويس من المواقع دى ؟
ايه افضل مواقع للعمل الحر؟
والاجابه بسيطه
وانت بتشتغل من البيت:
– بتختار عدد ساعات شغلك بنفسك
– بتختار المشروع اللى انت عاوزه وبكدا اكيد هتختار حاجه مناسبه ليك و لمهاراتك وحاجه هتبدع فيها و تاخد عليها Rate كويس
– وانت شغال فريلانسر بتحس بحريه اكبر و ان مفيش ضغط عليك من مدير او من Project Manager ف بتشتغل بطاقتك أفضل
– اكتر حاجه ممكن تكون مميزه انك هتكون اونلاين لحظه بلحظه وبتتابع كل جديد عشان تتعلمه و تكون مميز
ازاى تعمل ربح؟؟
– اولا تختار مشاريع انت عارف انك تقدر تنفذها
– تختار عميل صفحته موجود عليها Rate من الناس اللى اشتغلو معاه قبلك
– تحاول على قد متقدر تعمل الشغل بشكل اسرع عشان بتاخد promotion زياده و العميل بيعمل ليك Rate اكبر
ودى مجموعه من المواقع اللى بأذن الله هتلاقو منها المناسب لشغلكو :
الأجنبى:
1- موقع اب وورك
“https://www.upwork.com/”
وده من اقوى المواقع اللى ممكن تلاقى عليه شغل واى شغل
2- موقع فريلانسر
“https://www.freelancer.com/”
ومن اسمه ده موقع موجه للشغل
3- موقع فايفر
“https://www.fiverr.com/”
وده موقع مميز جدا لكن بيعتمد على اختيار العميل ليك و لأعمالك و شغلك
4- موقع توبتال
“https://www.toptal.com/”
وللعلم ده موقع منافس لأبوورك و جميل جدا و سهل فى التعامل
5- موقع جورو
“https://www.guru.com/”
بصراحه الموقع ده فى منتهى القوه و اللى فعلا سهل و بسيط و ممكن تلاقى شغل كويس جدا عليه
6 – موقع ترولانر
“https://www.truelancer.com/”
من المواقع الكويسه جدا فى المجال و المنافسه لمواقع كبيره
تقريبا انا كدا غطيت افضل المواقع اللى فيها ثقه من العملاء ومن الفريلانسر نفسهم ف اتمنى يكون كدا مفيد
المواقع العربيه:
1- موقع حسوب
“https://www.hsoub.com/”
من المواقع القويه جدا بمعنى الكلمه و اللى فيه فرص شغل كبيره جدا فى الوطن العربى
2- منصه مستقل
“https://eg.mostaql.com/”
منصه غنيه عن التعريف لأن بمعنى الكلمه المنصه قويه وفيها فرص كبيره جدا فى كل المجالات
3- موقع خمسات
“https://khamsat.com/”
موقع خمسات ده مخصص فى الخدمات المصغره اللى تكلفتها مش كبيره مع ان ممكن تعمل خدمات كبيره عادى جدا
و الموقع بسيط و جميل جدا فى التعامل
وبكدا انا خلصت و اتمنى يكون اللى انا قولته مفيد للكل ولو فيه خطأ منى ف ارجو تنبهونى
شكرا
اتمنى تستفيدو و ربنا يرزقنا جميعا يارب
